Milliy akkreditatsiyadan oʻtib, tibbiy xizmat sifatini oshiring!

So‘nggi yillarda O‘zbekistonda sog‘liqni saqlash tizimini rivojlantirish, tibbiy xizmatlar sifatini oshirish hamda bemorlar xavfsizligini ta’minlashga qaratilgan keng ko‘lamli islohotlar amalga oshirilmoqda. Ana shunday muhim yo‘nalishlardan biri – tibbiyot tashkilotlarini milliy akkreditatsiyadan o‘tkazish tizimining yo‘lga qo‘yilganidir.

Avval xabar berilganidek, mazkur jarayonlar Sog‘liqni saqlash vazirligi huzuridagi Tibbiyot tashkilotlarini litsenziyalash va akkreditatsiyalash markazi tomonidan amalga oshirilmoqda. Ushbu tizim tibbiyot muassasalari faoliyatini milliy va xalqaro talablar asosida baholash, xizmatlar sifatini tizimli ravishda oshirishga xizmat qiladi.

Milliy akkreditatsiyadan o‘tgan klinikalar faoliyati tahlili shuni ko‘rsatadiki, ushbu tizim allaqachon ijobiy samara bermoqda. Xususan:

– tibbiy xizmatlar sifati oshmoqda
– mijozlar oqimi ko‘paymoqda
 – xorijlik bemorlar ulushi ortmoqda

Bu esa mamlakatimizda tibbiy xizmatlarga bo‘lgan ishonch ortib borayotganini anglatadi.

Milliy akkreditatsiyadan o‘tgan tibbiyot tashkilotlarida quyidagi ijobiy natijalar kuzatiladi:

– tibbiy xatolar kamayadi
 – tibbiy xizmat sifati oshadi
 – bemorlar xavfsizligi ta’minlanadi
 – infeksiya va asoratlar xavfi pasayadi
 – ichki boshqaruv tizimi samarali yo‘lga qo‘yiladi

Mazkur omillar klinikaning nafaqat ichki faoliyatini takomillashtiradi, balki uning raqobatbardoshligini ham sezilarli darajada oshiradi.

Milliy akkreditatsiya – bu shunchaki baholash jarayoni emas. Bu tibbiyot tashkilotlarini rivojlantirish, xizmatlar sifatini yangi bosqichga olib chiqish va xalqaro standartlarga moslashishning samarali mexanizmidir.

Agar Siz ham tibbiyot tashkilotingiz faoliyatini yanada takomillashtirishni istasangiz, milliy akkreditatsiyadan o‘tish muhim qadamlardan biridir.

Tibbiyot tashkilotingizni milliy akkreditatsiyadan o‘tkazish bo‘yicha Markazimizga murojaat qiling:
📞 1369
 📧 info@clamo.uz