Akkreditatsiyada SOP nima?

SOP (Standard Operating Procedure) — standart operatsion tartibot bo‘lib, tibbiyot tashkilotida muayyan jarayonlar va amallarni bajarish tartibini belgilovchi ichki hujjat hisoblanadi.

SOP hujjatlari tibbiyot tashkilotlari faoliyatining turli yo‘nalishlari bo‘yicha ishlab chiqiladi. Jumladan, bemorlarni qabul qilish, diagnostika va davolash jarayonlari, infeksion nazorat, dori vositalari bilan ishlash, favqulodda holatlarda harakat qilish hamda ichki sifat nazorati va audit masalalari bo‘yicha alohida tartibotlar belgilanadi.

Milliy akkreditatsiya jarayonida SOPlarning mavjudligi va amalda qo‘llanilishi tibbiyot tashkilotida sifatni boshqarish tizimi yo‘lga qo‘yilganining muhim mezonlaridan biri hisoblanadi.

SOPlar tibbiyot xodimlari faoliyatini standartlashtirish, bemorlar xavfsizligini ta’minlash hamda tibbiy xizmatlar sifatini oshirishga xizmat qiladi.