Yosh mutaxassislar uchun o‘quv-treninglar

Tibbiyot tashkilotlarini litsenziyalash va akkreditatsiyalash markazida yosh mutaxassislarning kasbiy bilim va ko‘nikmalarini oshirish maqsadida tibbiy faoliyatni litsenziyalash masalalariga bag‘ishlangan o‘quv-treninglar tashkil etilmoqda.

Treninglar davomida ishtirokchilarga tibbiy faoliyatni litsenziyalashning huquqiy asoslari, litsenziya olish tartibi, talab va shartlar, arizalarni ko‘rib chiqish jarayoni hamda amaliyotda uchraydigan asosiy kamchiliklar haqida batafsil ma’lumot berilmoqda.

Shuningdek, mutaxassislar o‘zlarini qiziqtirgan savollarga javob olib, amaliy misollar asosida bilimlarini mustahkamlamoqda.

Mazkur o‘quv-treninglar yosh kadrlarning malakasini oshirish, ularni sohaga oid yangiliklar bilan tanishtirish hamda litsenziyalash jarayonlarida yagona yondashuvni shakllantirishga xizmat qiladi.