Operatsiya va jonlantirish xonalarida kameralar o‘rnatilishi shart

O‘zbekiston qonunchiligiga ko‘ra, operatsiya va jonlantirish (reanimatsiya) xonalarida ovoz va video yozib olish imkoniyatiga ega kameralar o‘rnatilishi litsenziya talablari va shartlari sirasiga kiradi.

Mazkur talab bemor xavfsizligini ta’minlash, tibbiy jarayonlar ustidan nazoratni kuchaytirish hamda yuzaga kelishi mumkin bo‘lgan nizoli holatlarni xolis baholashga xizmat qiladi.

Amaldagi tartibga muvofiq, video va audio yozuvlar kamida bir yil davomida saqlanishi shart.

Shu bilan birga, yozuvlardagi axborotning oshkor etilishiga yo‘l qo‘yilmasligi, ya’ni shifokor siri va bemor shaxsiy ma’lumotlari himoyasi ta’minlanishi zarur (qonunchilikda nazarda tutilgan holatlar bundan mustasno).