Tibbiyot tashkilotlarini litsenziyalash va akkreditatsiyalash markazi Qozogʻistonning Ostona shahrida boʻlib oʻtgan Xalqaro akkreditatsiya forumida ishtirok etdi.

Tibbiyot tashkilotlarini litsenziyalash va akkreditatsiyalash markazi direktori Jaloliddin Asamutdinov boshchiligidagi delegatsiya Qozogʻistonning Ostona shahrida boʻlib oʻtgan Xalqaro akkreditatsiya forumida ishtirok etdi.

Forum davomida tibbiy xizmatlar sifati, xalqaro akkreditatsiya standartlari va tajriba almashish masalalari muhokama qilindi. Tadbir doirasida Markaz hamkor tashkilotlar bilan uchrashuvlar oʻtkazdi.

Xususan, Qozogʻiston Respublikasining Sogʻliqni saqlash sohasida sifat va akkreditatsiya instituti bilan amaldagi hamkorlikning yangi yoʻnalishlari boʻyicha kelishuv imzolandi. 

Ushbu kelishuv ikki tomonlama tajriba almashish, qoʻshma seminar va treninglar tashkil etish hamda xalqaro standartlarni amaliyotga tatbiq etish kabi loyihalarni nazarda tutadi.