Jizzaxda xususiy klinikalar bilan ochiq muloqot va amaliy seminar o‘tkazildi. Unda litsenziyalash, akkreditatsiya, tibbiy xizmatlar sifati va bemor xavfsizligi masalalari muhokama qilindi.
Tibbiyot tashkilotlarini litsenziyalash va akkreditatsiyalash markazi rahbariyati va mutaxassislari Jizzax viloyatida bo‘lib, hududda faoliyat yuritayotgan xususiy klinikalar rahbarlari hamda mutaxassislari bilan ochiq muloqot formatida seminar-trening tashkil etdi.
Tadbir davomida tibbiy faoliyatni litsenziyalash talab-shartlari, akkreditatsiya jarayonlarining mazmun-mohiyati, tibbiy xizmatlar sifati va bemor xavfsizligi, amaliyotda uchrayotgan muammolar va ularning yechimlari muhokama qilindi.
Seminar-trening interaktiv tarzda o‘tdi, ishtirokchilarga o‘zlarini qiziqtirgan masalalar yuzasidan amaliy tavsiyalar berildi.
Qayd etilganidek, bunday uchrashuvlar sohada zamonaviy yondashuvlarni ommalashtirish, bilim va tajribani oshirish hamda tibbiy xizmatlar sifatini yanada yaxshilashda muhim ahamiyat kasb etadi.
Ma’lumot uchun, bugungi kunda Jizzax viloyatida 190 dan ortiq xususiy tibbiyot muassasasi faoliyat yuritmoqda.
IQ Tech
