CAU’da tibbiyot talabalari bilan uchrashuv o‘tkazilib, tibbiyotda sifat menejmenti, litsenziyalash va akkreditatsiya masalalari muhokama qilindi. Shuningdek, 2025-yilning yetakchi klinikalari taqdirlandi.
"Central Asian University"da tibbiyot yo‘nalishida tahsil olayotgan talabalar bilan Tibbiyot tashkilotlarini litsenziyalash va akkreditatsiyalash markazi rahbariyati hamda mutaxassislari ishtirokida uchrashuv o‘tkazildi.
Uchrashuv davomida talabalarga tibbiyotda sifat menejmenti, xalqaro va milliy standartlar, litsenziyalash va akkreditatsiya jarayonlari, tibbiy xizmatlar sifati hamda bemorlar xavfsizligini ta’minlash masalalari, shuningdek sohada kutilayotgan yangiliklar yuzasidan muhim ma’lumotlar taqdim etildi.
Shuningdek, muloqot jarayonida faol ishtirok etgan yoshlar esdalik sovg‘alari bilan taqdirlandi.
Tadbir doirasida Markaz tomonidan tashkil etilgan “O‘zbekistonda tibbiy xizmatlar sifati bo‘yicha yetakchi klinikalar – 2025” onlayn so‘rovnomasi g‘oliblarini taqdirlash marosimi ham o‘tkazildi.
Unda hududlar kesimida eng ko‘p ovoz to‘plagan xususiy tibbiyot muassasalariga Markaz konsalting xizmatlaridan foydalanish uchun 50 000 000 so‘mlik vaucherlar, tashakkurnomalar hamda esdalik sovg‘alari topshirildi.
IQ Tech
