Markazda mediasavodxonlik bo‘yicha trening o‘tkazildi

Tibbiyot tashkilotlarini litsenziyalash va akkreditatsiyalash markazida Jamoatchilik bilan aloqalar bo‘limi tomonidan xodimlar uchun mediasavodxonlik bo‘yicha trening tashkil etildi.

Trening davomida ishtirokchilarga matn tayyorlashda e’tibor qaratilishi lozim bo‘lgan jihatlar, mobil telefon kamerasi yordamida sifatli tasvirga olish, kadr tanlash hamda videotasvirga olishning asosiy qoidalari bo‘yicha amaliy tavsiyalar berildi.

Mashg‘ulot yakunida xodimlarning media kontent yaratish bo‘yicha amaliy ko‘nikmalarini yanada rivojlantirish maqsadida treninglar turkumini davom ettirish rejalashtirilgani ta’kidlandi.

Navbatdagi mashg‘ulotlarda axborot manbalarini tekshirish, soxta ma’lumotlarni aniqlash, raqamli muhitda axborot bilan ishlash hamda media makonda samarali muloqot olib borish masalalari ko‘rib chiqiladi.