8-mart – Xalqaro xotin-qizlar kuni nishonlandi

 Tibbiyot tashkilotlarini litsenziyalash va akkreditatsiyalash markazida 8-mart – Xalqaro xotin-qizlar kuni munosabati bilan bayram tadbiri bo‘lib o‘tdi. 
 
Unda Markaz rahbariyati va xodimlari jamoada mehnat qilayotgan aziz va muhtarama opa-singillarimizni bahorning go‘zal ayyomi bilan samimiy qutlab, ularga ezgu tilaklarini bildirdi.

Ta’kidlanganidek, mamlakatimizda xotin-qizlarning huquq va manfaatlarini ta’minlash, ularning ijtimoiy va kasbiy faolligini qo‘llab-quvvatlash davlat siyosatining muhim ustuvor yo‘nalishlaridan biri hisoblanadi. Bugungi kunda Markazimizda faoliyat yuritayotgan opa-singillarimiz ham o‘z bilim va salohiyati bilan tibbiy xizmatlar sifatini oshirish, tizimda shaffof va samarali faoliyatni ta’minlashga munosib hissa qo‘shib kelmoqda.