Litsenziyalash va akkreditatsiya jarayonlarida korrupsiyaning oldini olish masalalari muhokama qilindi

Tibbiyot tashkilotlarini litsenziyalash va akkreditatsiyalash markazida litsenziyalash va akkreditatsiya jarayonlarida korrupsiyaviy holatlarning oldini olishga bag‘ishlangan yig‘ilish o‘tkazildi.

Unda Sog‘liqni saqlash vazirligining mas’ul xodimlari, Markaz rahbariyati va mutaxassislari, hududiy vakillar ishtirok etdi. 

Yig‘ilish davomida litsenziyalash va akkreditatsiya jarayonlarida shaffoflikni ta’minlash, korrupsiyaviy holatlarning oldini olish hamda bu borada tizimli choralarni kuchaytirish masalalari muhokama qilindi.

Shuningdek, xodimlarga soha qonunchiligi va amaldagi me’yoriy-huquqiy hujjatlar mazmun-mohiyati yuzasidan tushuntirishlar berildi. Tadbirda ekspertlar uchun malakali yosh mutaxassislarni tayyorlash masalalari ham alohida ko‘rib chiqildi.