Tibbiy xizmatlar sifati masalalari deputatlar bilan muhokama qilindi

Tibbiyot tashkilotlarini litsenziyalash va akkreditatsiyalash markazi rahbariyati va mas’ul xodimlari Xalq deputatlari Toshkent shahar Kengashidagi O‘zLiDep deputatlik guruhi yig‘ilishida ishtirok etdi.

Unda Markaz direktori Jaloliddin Asamutdinov, boshqarma boshlig‘i Sanjar Sativaldiyev, bosh mutaxassis Ulug‘bek Abdurahmonov tomonidan tibbiyot tashkilotlarini litsenziyalash va akkreditatsiyalash tizimini takomillashtirish bo‘yicha olib borilayotgan ishlar hamda kelgusidagi ustuvor vazifalar yuzasidan tahliliy ma’lumotlar taqdim etildi.

Shuningdek, Markaz vakillari deputatlar tomonidan berilgan savollarga atroflicha javob berib, ularni qiziqtirgan masalalar yuzasidan tushuntirishlar berdi.