Pokistonlik investor bilan tibbiyot sohasidagi investitsiya loyihalari muhokama qilindi

Tibbiyot tashkilotlarini litsenziyalash va akkreditatsiyalash markazida pokistonlik investor, “Dr. Agha Jee Herbal World” kompaniyasi asoschisi va prezidenti doktor Agha Jee bilan uchrashuv bo‘lib o‘tdi. Uchrashuvda Ibn Sino jamoat fondi rahbariyati ham ishtirok etdi.

Muloqot davomida mehmon O‘zbekistonda amalga oshirishni rejalashtirayotgan investitsiya loyihalari haqida ma’lumot berdi.

Shuningdek, tomonlar sog‘liqni saqlash sohasidagi hamkorlik istiqbollari hamda tibbiyot yo‘nalishidagi investitsiya tashabbuslarini muhokama qildi.

O‘z navbatida, Markaz vakillari mehmon tomonini tibbiy faoliyatni litsenziyalashning amaldagi tartibi, litsenziya talab va shartlari hamda sohada amal qilayotgan me’yoriy talablar bilan tanishtirdi.