2025-yilda O‘zbekiston Respublikasida xususiy tibbiyot sohasida barqaror o‘sish davom etdi. Jumladan, 1 329 ta tibbiy klinika litsenziya olib, faoliyat boshladi.
Hududlar kesimida tahlil shuni ko‘rsatadiki, faoliyat boshlagan klinikalarning katta qismi aholi zich joylashgan va iqtisodiy faol hududlar hissasiga to‘g‘ri keladi. Xususan, Toshkent shahrida 251 ta, Farg‘ona viloyatida 169 ta, Samarqand viloyatida 129 ta, Andijon viloyatida 121 ta va Qashqadaryo viloyatida 117 ta klinika faoliyat boshlagan.
Shuningdek, Toshkent viloyatida 95 ta, Buxoro viloyatida 91 ta, Namangan viloyatida 74 ta, Xorazm viloyatida 71 ta, Surxandaryo viloyatida 62 ta, Qoraqalpog‘iston Respublikasida 54 ta va Navoiy viloyatida 50 ta klinika ish boshlagan.
Ayrim hududlarda, jumladan Jizzax viloyatida 30 ta va Sirdaryo viloyatida 15 ta klinika faoliyat boshlagan bo‘lib, bu hududlarda xususiy tibbiyotni yanada rivojlantirish, investitsiyalarni jalb etish va tibbiy xizmatlar qamrovini kengaytirish uchun imkoniyatlar saqlanib turganligini ko‘rsatadi.
❗️Ushbu ko‘rsatkichlar mamlakatda xususiy tibbiyot sohasini qo‘llab-quvvatlash, tibbiy xizmatlar sifati va ommabopligini oshirish, shuningdek, sog‘liqni saqlash tizimida raqobat muhitini rivojlantirishga qaratilgan islohotlar samarasini aks ettiradi.
Maʼlumot oʻrnida, bugungi kunda Oʻzbekistonda jami 9 000 dan ziyod xususiy tibbiyot muassasalari faoliyat koʻrsatmoqda.
IQ Tech
