Tibbiyot tashkilotlarini akkreditatsiyadan o‘tkazish bo‘yicha mustaqil ekspertlarni tanlab olish mezonlari

1. Shifokor-ekspert uchun:

a)     Oliy tibbiy ma’lumotga ega bo‘lishi;

b)     Sog‘liqni saqlash sohasida kamida uzluksiz yetti yillik ish tajribasiga ega bo‘lishi.

 

2. O‘rta tibbiyot xodimlari orasidan mutaxassis-ekspertlar uchun:

a)     Hamshiralik ishi bo‘yicha o‘rta maxsus yoki oliy tibbiy ma’lumotga ega bo‘lishi; 

b)    Sog‘liqni saqlash sohasida kamida uzluksiz yetti yillik ish tajribasiga ega bo‘lishi.

 

a)     Tibbiyot tashkilotlarini akkreditatsiyalash, tashqi kompleks baholashda ishtirok etish yoki jamoat sog‘lig‘ini saqlash yo‘nalishida kamida uch yillik ish tajribasiga ega bo‘lishi;

b)    Sog‘liqni saqlashda sifat va akkreditatsiya yo‘nalishlarida sertifikatga ega nomzodlar ustunlikka ega bo‘lishadi;

d)    Ekspert darajasi (Respublika yoki viloyat darajasidagi tibbiy tashkilotlar uchun ekspertlar ham shundan past bo‘lmagan darajada ishlashi kerak);

e)     Davlat tilida erkin gapira olishi hamda hujjatlar yuritishni bilishi;

f)      Davlat tilida hisobotlarni yoza olishi; 

g)    Kompyuter savodxonligi, jumladan, Microsoft Office (Word, Excel, PowerPoint v.b.) dasturlari bilan hamda internetda ishlashni bilishi;

h)    Xorijiy tillarni (ayniqsa ingliz tilini) biladigan (fikrini og‘zaki va yozma shakllarda erkin bayon eta oladigan) nomzodlar  ustunlikka ega bo‘lishadi;

i)       Manfaatlar to‘qnashuvi yo‘qligi (oxirgi 5 yilda baholanayotgan tashkilotda ishlamagan bo‘lishi; xodimlar yoki rahbariyat bilan qarindosh emasligi; manfaatlar to‘qnashuvini yashirmasligi; tibbiyot tashkiloti joylashgan hududda kasbiy faoliyat olib bormasligi; manfaatlar to‘qnashuvi yo‘qligi haqida yozma bayonot taqdim etishi);

j)       Markaz o‘quv dasturi boshlanishidan oldin tibbiyot tashkilotlarini akkreditatsiya qilish standartlari bilan tanishib chiqish va o‘rganishga tayyor bo‘lishi;

k)    O‘quv dasturi davomida 100% qatnashish va yakuniy sinovlardan o‘tish hamda sinov natijalaridan so‘ng tibbiyot tashkilotlarini tashqi kompleks baholashda kuzatuvchi (stajyor-ekspert) sifatida ishtirok etishga tayyor bo‘lishi.