Markaz vakillari tadbirkorlar bilan ochiq muloqotda ishtirok etdi

Sogʻliqni saqlash vaziri Eldor Adilov tibbiyot va farmatsevtika sohasida faoliyat yuritayotgan tadbirkorlar bilan ochiq muloqot oʻtkazdi.

Unda Tibbiyot tashkilotlarini litsenziyalash va akkreditatsiyalash markazi vakillari ham ishtirok etdi.

Tadbir davomida sohada uchrayotgan dolzarb muammolar yuzasidan oʻzaro fikr almashilib, ularni bartaraf etish hamda tibbiyot va farmatsevtika sohasini yanada rivojlantirishga qaratilgan qator taklif va tashabbuslar ilgari surildi.