Markazda Yoshlar kuni munosabati bilan bayram tadbiri o‘tkazildi

Tibbiyot tashkilotlarini litsenziyalash va akkreditatsiyalash markazida 30-iyun – Yoshlar kuni munosabati bilan bayram tadbiri tashkil etildi.

Tadbirda Markaz rahbariyati va jamoasi vakillari ishtirok etib, mamlakat taraqqiyotida yoshlarning o‘rni, ularning tashabbuskorligi, mas’uliyati hamda kasbiy salohiyatini qo‘llab-quvvatlash masalalariga alohida e’tibor qaratildi.

Bayram tadbiri davomida Markaz faoliyatida o‘zining tashabbuskorligi, fidoyiligi va mas’uliyatli yondashuvi bilan ajralib turgan faol yoshlar munosib rag‘batlantirildi.

Ta’kidlanganidek, yosh kadrlarni qo‘llab-quvvatlash, ularning kasbiy va shaxsiy rivojlanishi uchun zarur sharoitlarni yaratish Markaz faoliyatining ustuvor yo‘nalishlaridan biri hisoblanadi.