Mustaqillikning 35 yilligiga bag‘ishlangan bayram tadbiri

Tibbiyot tashkilotlarini litsenziyalash va akkreditatsiyalash markazida O‘zbekiston Respublikasi Mustaqilligining 35 yilligiga bag‘ishlangan bayram tadbiri tashkil etildi.

Tadbirda Markaz direktori Shirin Shadiyeva davlatimiz rahbari boshchiligida amalga oshirilayotgan izchil islohotlar natijasida sog‘liqni saqlash tizimi yangi bosqichga ko‘tarilganini ta’kidladi. Shuningdek, bugungi kunning ustuvor vazifalaridan biri aholiga ko‘rsatilayotgan tibbiy xizmatlar sifatini yanada oshirish, bemorlar xavfsizligini ta’minlash va zamonaviy tibbiyot tizimini shakllantirish ekanini qayd etdi.

Bayram tadbiri doirasida Markazning 4 nafar xodimiga “O‘zbekiston Respublikasi mustaqilligining 35 yilligi” esdalik nishoni tantanali ravishda topshirildi.