Andijondagi xususiy klinika faoliyati o‘rganildi

Andijon shahrida joylashgan “Maydon” xususiy tibbiyot muassasasi faoliyati bilan Tibbiyot tashkilotlarini litsenziyalash va akkreditatsiyalash markazi vakillari yaqindan tanishdi.

Tanishuv davomida muassasadagi mavjud shart-sharoitlar, tibbiy xizmatlarni tashkil etish jarayonlari hamda bemorlar uchun yaratilgan imkoniyatlar ko‘zdan kechirildi.

O‘zaro muloqot chog‘ida klinika mutasaddilari kelgusida urologik jarrohlik yo‘nalishini yo‘lga qo‘yish rejalashtirilayotganini ma’lum qildi.

Markaz mutaxassislari mazkur yo‘nalishni tashkil etish, zarur infratuzilmani shakllantirish, bemor xavfsizligini ta’minlash hamda amaldagi talablar asosida faoliyatni samarali yo‘lga qo‘yish bo‘yicha taklif va tavsiyalar bildirdi.

Ta’kidlanganidek, zamonaviy va xavfsiz tibbiy xizmatlarni tashkil etishda amaldagi me’yorlar hamda sifat standartlariga qat’iy rioya qilish muhim аҳamiyatга ega.